Trajneri i Barcelonës, Ronald Keoman është deklaruar në konferencë për shtyp për ndeshjen e radhës.
Blaugranasit kanë mundësinë e artë që me fitore ndaj Granadas të marrin kreun e La Liga-s.
Koeman në konferencë tha se duhet të fitojnë çdo ndeshje për të fituar La Liga-n.
“Është betejë mes katër skuadrave, është e sigurt se kush do që e fiton ligën, duhet të fitojë çdo ndeshje”.
“Për çdo futbollist është e rëndësishme dhe e bukur, shpresoj që të jemi me tifozë në ndeshjet e fundit”.
“Nuk ka ndeshje të lehtë, ne shikojmë ndeshje pas ndeshje. Ende nuk jemi duke prirë në ligë”, tha fillimisht ai.
Tutje, tekniku holandez u shpreh se shpreson që Messi të rinovojë kontratën, derisa lavdëroi Griezmannin.
“Griezmann është fëmijë që e dua, lojtar i skuadrës, punon dhe stërvitet shumë. Ishte i pafat”.
“Se pari nuk e di nëse raportimet janë të vërteta. Shpresoj që Leo të qëndrojë me ne sepse ka qenë këtu gjithë jetën e tij, por është vendimi i tij. Ajo që më shqetëson është ndeshja e nesërme”, vazhdoi ai.
Në fund, lidhur me transferimet e fundit, Koeman shpjegoi se ana financiare mund t’iu nxjerrë probleme.
“Me Ramos Planes dhe Mate Aemany ne vendosim çfarë është më e mira për skuadrën, por ana financiare është pyetje për presidentin”, përfundoi Koeman.
Sfida mes Barcelones dhe Granadas zhvillohet në “Camp Nou”.
