Sipas gazetës gjermane Bild, Chelsea tani është një nga favoritët për të nënshkruar me Erling Haaland.
20-vjeçari ka shënuar 25 gola në 26 paraqitje në Bundesligë këtë sezon dhe do të largohet gjatë verës– përveç nëse Borussia Dortmund siguron një vend në Ligën e Kampionëve.
Dortmund aktualisht pozicionohet në vend të pestë në Ligën e Gjermanisë, një pikë larg Eintracht Frankfurt në vendin e katërtë që dërgon në Ligën e Kampionëve.
Sulmuesi i Dortmund është shumë i kërkuar dhe shumë klube janë të interesuar për të siguruar shërbimet e lojtarit, ku çmimi i tij varion nga 100 milionë euro, me një pagë vjetore prej 30 milionë eurove gjithashtu.
