Jordi Alba ka folur për epilogun e ndeshjes ndaj Grandas.
Barcelona humbi një shans të artë për të kryesuar La Ligan duke mposhtur Granadan.
Por, në fakt ata u mposhtën nga Granada në Camp Nou.
Messi shënoi gol, por Granada u rikthye me dy gola në pjesën e dytë.
Pas ndeshjes, mbrojtësi i Barcelonës, Jordi Alba deklaroi se tani “Blaugranët” duhet të fitojnë të gjitha ndeshjet e mbetura.
“Ne kishim ndeshjen nën kontroll, provuam të shënojmë golin e dytë, por ata reaguan mirë”, tha Alba.
“Është për të ardhë keq, mund të shënonim por nuk shënuam, humbëm tre pikë të rëndësishmë”, shtoi spanjolli.
“Duhet ti fitojmë pesë ndeshjet e mbetura, nuk kemi zgjidhje tjetër. Ishte një mundësi e artë sot, që nuk e shfrytëzuam”, tha ai.
“Jemi shumë të mllefosur për këtë paraqitje, por duhet të mbajmë kokën lartë e të rikthehemi”, përfundoi Jordi Alba.
