Sot me fillim nga ora 15:00 do të luhen të gjitha ndeshjet e xhiros së 34-të në Superligën e Kosovës në futboll.
Vëmendja kryesore është te dueli Drita – Ballkani, i vlefshëm për garën e titullit.
Në ndeshjet tjera takohen Arbëria – Drenica, Llapi – Besa, Prishtina – Feronikeli dhe Trepça’89 – Gjilani.
Garë tejet interesante përveç titullit po zhvillohet edhe në fundin e tabelës.
Trepça’89, Arbëria, Feronikeli, Llapi e Drenica po luftojnë për t’i ikur vendit që dërgon në një rang më poshtë të garave, teksa Besa veçse është përshëndetur me Superligë.
