Mbrojtësi i Chelseas, Thiago Silva shpreson të përballet me Milanin në Ligën e Kampionëve sezonin tjetër, por pranoi se u ndje keq kur pa brazilianët e Juventusit të humbasin ndaj “Rossonerëve”.
Silva kaloi tri sezone e gjysmë te Milan para se të kalonte te PSG-ja në vitin 2012.
Braziliani asnjëherë nuk është përballur me klubin italian, por shpreson ta bëjë sezonin tjetër.
“Kam menduar për këtë moment që kur u largova nga Milan, kam menduar për kualifikimin e Milanit çdo vit”.
“Këtë sezon jemi shumë afër. E pashë ndeshjen ndaj Juventusit. U ndjeva pak keq për brazilianët: Danilo, Sandro, Arthur edhe për Buffon sepse luajtëm se bashku në Paris”.
“Por, Milan luajti lojë të mirë dhe merituan fitoren. Mendoj se e meritojnë kualifikimin në Ligën e kampionëve. Kanë pasur sezon të mirë dhe e meritojnë se çfarë kanë bërë në gjashtë-shtatë muaj”.
“Ende jam tifoz i Milanit, shpresoj të takohemi dhe të rikthehem në “San Siro”, që është stadium i veçantë për mua”, deklaroi ai.
Ndërkohë, Chelsea është në finale të Ligës së Kampionëve, ku do të përballet me Manchester Cityn.
