Sergio Aguero do t’i bashkohet Barcelonës në sezonin e ardhshëm, raporton TyC Sports.
Argjentinasi ka arritur marrëveshje me katalonasit, ndërsa zyrtarizimi do të bëhet pas finales së Ligës së Kampionëve, ku City takohet me Chelsean.
Sulmuesi e ka konfirmuar tash e një kohë se do të largohet nga “Etihad Stadium” në fund të sezonit.
Aguero iu bashkua Cityt në vitin 2011 nga Atletico Madridi duke u shndërruar në vazhdim në golashënuesin më të mirë të klubit kur e theu rekordin 78-vjeçar të Eric Brook në vitin 2017.
