Klubi i futbollit Llapi nga Podujeva është ende në festë pas triumfit në Kupën e Kosovës.
Llapjanët në finale e mposhtën me penallti me rezultat 4:3 Dukagjinin nga Klina, pasi që ndeshja në kohën e rregullt (0:0) dhe pas vazhdimeve (1:1) kishte përfunduar baras.
"Trofeu dërgohet pranë varrit ku prehet shpirti i legjendës Fadil Vokrri
Kryesia e klubit sot ishte në vizitë tek varri i legjendës Fadil Vokrri dhe bëri homazhe pranë varrit të tij, njëherit në shenjë falenderimi për kontributin e dhënë për futbollin kosovar dhe pranimin e futbollit në instancat e larta të UEFA- dhe FIFA-s.
Faleminderit Fadil Vokrri, presidenti legjendar”, shkruan në faqen e KF Llapi.
