Titulli i kampionit në kampionatin spanjoll La Liga do të vendoset vetëm në xhiron e fundit dhe në luftë për këtë trofe janë Atletico Madridi dhe Real Madridi.
Skuadra e trajnerit Diego Simeone ka një përparësi të madhe pasi ka dy pikë më shumë se skuadra e teknikut francez Zinedine Zidane.
Atletico ka vendin e parë me 83 pikë, kundrejtë Real Madridi që ka 81 sosh.
Andaj, gjithçka do të vendoset në xhiron e fundit të La Ligas ku Atletico Madridi do të ballafaqohet me Valladolidin që pozicionohet në vendin e parafundit në renditjen tabelare, kurse Real Madridi e pret Villarealin e vendit të shtatë.
Mbetet të shihet se kush do të shpallet kampion i La Ligas për edicionin 2020/21.
