Rio Ferdinand, ish lojtari i Manchester United, argumentoi se egjiptiani Mohamed Salah nuk po merr meritat që i takojnë.
“Salah është në përpjekje për të qenë golashënuesi më i mirë në Premier League dhe është në ekipin e sezonit të tifozëve. Unë nuk e kuptoj si ai nuk merr merita”, tha fillimisht Ferdinand.
“Mohamed Salah është një lojtar i madh, më i miri që shënon shumë gola vit pas viti. Është normale që ai të jetë në krye të shënuesve më të mirë”, përfundoi ish-mbrojtësi qendror, duke folur në programin Vibe With Five.
Salah dhe Harry Kane të dy kanë 22 gola dhe po luftojnë për çmimin e golashënuesit më të mirë në Premier League.
