Pronari i Shkëndijës, Lazim Destani e ka uruar ekipin Kuqezi për suksesin e jashtëzakonshëm që e arriti këtë sezonin 2020/21
Skuadra tetovare e siguroi dy javë para fundit titullin e kampionit në Maqedonin e Veriut - Kampionat i cili këtët sesion mund të quhet “Kampjonati i shqiptarve” duke lënë prapa dy përcjellësit shqiptar - Shkupin dhe Strugën.
Me këtë rast, Shkëndija do të luajë në Ligën e Kampionëve sezonin e ardhshëm pasi i kaloi disa edicione mjaft të suksesshme në Europa League, sesionet e kaluara dhe dy skuadrat e tjera shqiptare Shkupi dhe Struga në Europa Ligë
Më poshtë mund ta lexoni urimin e pronarit të “Ecologut”, biznesmenit dhe filantropistit të njohur Lazim Destani:
Me përmbylljen e stinorit të futbollit 2020/’21 në Maqedoninë e Veriut, kam kënaqësinë në radhë të parë t’ua përcjell urimet e mia lojtarëve të KF Shkëndija dhe gjithë stafit të klubit për titullin kampion i vendit. Gjithashtu urime ju përcjell tifozëve të Shkëndijës kudo që jeni, anembanë trojeve tona me tifo-grupin pararojë ‘Ballistët’ që gjithmonë i qëndron pranë skuadrës kuqezi.
Në këtë sezon diktuar nga ndryshimet që i ka sjellë pandemia, mungoi gjallëria dhe emocionet që në ndeshjet e futbollit vijnë nga tribunat e mbushura me spektatorë. Uroj që sa më shpejt të kalojë periudha e pandemisë duke i lënë prapa të gjitha sfidat që ka sjellë ajo.
Në mënyrë të veçantë falënderoj për prezencën e tyre kryetarin e FShF Armand Duka, kryetarin e FFK Agim Ademi dhe kryetarin e FFMV Muhamet Sejdini.
Poashtu më gëzuan urimet nga të gjithë mbështetësit kudo që janë, përfshirë dhe liderët e të gjitha partive politike në vendin tonë, sadoqë të gjithë të ftuar, disa prej tyre nuk arritën të jenë prezent fizikisht.
Futbolli e ka forcën e tejkalimit të të gjitha dallimeve, nga cilado sferë qofshin ato, këtu e gjejnë kënaqësinë të gjithë ata që e duan dhe kënaqen me këtë sport kaq popullor.
Dëshiroj që gjatë kësaj vere Shkëndija në Kupat Europiane të arrijë suksese sa më të larta, duke u sjellë gëzim dhe emocion tifozëve të saj kuqezi e duke na bërë krenar të gjithëve!
