Tottenhami ka pësuar një disfatë me rezultat 2-1 nga Aston Villas në xhiron e parafundit të Premierligës angleze.
Kjo njëherit mund të ishte edhe ndeshja e fundit e top sulmuesit Harry Kane në këtë stadium dhe para tifozëve të kësaj skuadre.
Është raportuar ditëve të fundit nga mediat angleze se Harry Kane ka kërkuar nga drejtuesit e klubit që të lirohet për ta vazhduar karrierën në një klub tjetër.
Numri 10 i Tottenhamit thuhet se nuk dëshiron që të largohet nga kampionati anglez derisa Manchester City i Pep Guardiolas përmendet si skuadra e preferuar e tij.
Gjithsesi edhe Manchester United dhe Chelsea janë duke e vëzhguar me kujdes zhvillimin e kësaj situate dhe mund të dalin me oferta konkrete për shërbimet e tij.
