Cristiano Ronaldo ka reaguar pas fitores 2-1 në Kupën e Italisë ndaj Atalantas.
Edhe pse portugezi nuk ishte protagonist në asnjërin prej golave të shënuar, ai zhvilloi një ndeshje të mirë.
Pas kësaj ndeshje, Ronaldo ka reaguar duke postuar dy fotografi në llogarinë e tij zyrtare në ‘twitter’.
“Nuk mund të ndjehesha më i lumtur pas fitimit të një titulli tjetër me një klub të madh sikurse Juventus. Deri në fund! Përpara Juve!”, ka thënë Ronaldo.
E ardhmja e ish-sulmuesit të Real Madrid është vënë disa herë në dyshim këtë sezon dhe akoma nuk dihet nëse ai do të vazhdojë.
