Marash Kumbulla është në planet e trajnerit të Romës, Hoze Murinjo. Kjo është bërë me dije nga një shkrim në prestigjiozen italiane “Gazzetta dello Sport’.
Kjo e fundit ka publikuar edhe boshtin e lojtarëve mbi të cilët do të ndërtohet projekti i Murinjos te Roma. Mes dhjetë lojtarëve të paprekshëm është edhe qendërmbrojtësi i Kombëtares, Marash Kumbulla.
Krahas qendërmbrojtësit kuqezi, lista me 10 të paprekshmit vijohet me: Mancinin, Smolling, Karsdorp, Spinacola, Kristante, Veretu, Darboe, Pelegrini dhe Zaniolo.
Pritet përfundimi i sezonit për ardhjen e Murinjos në kryeqytet nga ku edhe do të nisë bashkëpunimi i tij edhe me qendërmbrojtësin e Kombëtares.
