Enea Jorgji është bërë përsëri protagonist i një titulli kampion. Katër vite pasi vendosi në favor të Kukësit në ndeshjen kundër Skënderbeut, sot ai ka vendosur me një urdhër në kufje titullin kampion teksa ia ka hequr nga duart Partizanit në ndeshjen kundër Vllaznisë.
Kur mbeteshin më pak se 20 minuta nga fundi i ndeshjes, një gjuajtje e devijuar nga Belica bëri që ai të rrethohej nga futbollistët shkodranë që kërkuan penallti, Jorgji çoi menjëherë dorën te kufja, duke i kërkuar ndihmë gjyqtarit të linjës, Bajramaj.
Ky i fundit komunikoi për pak çaste, e pastaj heshti, ndërsa Jorgji dëgjonte kushedi se kë në kufje teksa i fliste. Ndërsa Bajramaj heshtte, Jorgji vazhdonte komunikimin në kufje e pastaj, pas rreth një minute, bëri me dorë nga pika e bardhë, shkruan Vipsport.
Një penallti me “urdhër”, që vendos titullin kampion, teksa ia heq nga duart të kuqve, ashtu siç ia hoqi Skënderbeut nga duart disa vite më parë në mënyrë të padrejtë.
