Dikur shembull dhe model për të gjithë. Sukseset e Skënderbeut vazhdojnë të përmenden nga të gjithë, si një model suksesi i një skuadre që bëri krenarë të gjithë. Çështja pezullimit nga kupat e Europës ishte një goditje e rëndë për skuadrën, por gjithsesi asgjë nuk humbi nga modeli Skënderbeu.
Bardhekuqtë, njësojë si dikur kur korrnin suksese brenda dhe jashtë vendit, edhe këtë herë treguan forcën e një ekipi solidar, me karakter dhe që fjalën dorëzim nuk e njohin.
Deri pak muaj më parë askush nuk do ta kishte menduar se korçarët do të arrinin mbijetesën, teksa që me ardhjen e Migen Memellit, falë edhe punës së trajnerit, skuadra pati një transformim rrënjësorë.
Nga java në javë progresi ishte më se evident, rezultate surprizë ndaj kundërshtarëve të fortë, deri në mbërritjen e këtij momenti, klubi siguroi mbijetesën pa qenë nevoja të kalonin përmes zonës Play Out.
