Bundesliga sot e mbyll edicionin 2020/21 me nëntë ndeshjet që nisin nga ora 15:30.
Werder Bremen sot do ta luajë ndeshjen e sezonit. Bremen synon të sigurojë mbijetesën në ndeshjen e fundit të sezonit, por përballë do ta kenë Borussia Monchengladbachun.
Werder Bremen gjendet në vendin e 16-të që dërgon në play-out me 31 pikë, një më shumë se Kolni që luan ndaj Schalkes tashmë të larguar nga elita dhe një pikë më pak se Arminia Bielefeld që i shkon Stuttgartit.
Milot Rashica ndodhet në bankën rezervë në takimin që mund të jetë i fundit me Bremenin në Bundesligë.
