Ditën e nesërme, skuadra e Interit do të luajë në ndeshjen e fundit të Serisë A kundër Udineses, teksa në fundin e ndeshjes do të mbahet dhe ceremonia e ndarjes së çmimeve ku zikaltrit do të ngrejnë trofeun e Serisë A.
Në prag të sfidës së nesërme, tekniku Antonio Conte në konferencën për shtyp prag ndeshjes, u shpreh se e gjithë merita u takon lojtarëve dhe se skuadra tanimë e di rrugën e fitores së trofeve.
“Ne duam ta mbyllim në mënyrën më të mirë dhe t’i bëjmë krenarë tifozët tanë. Prezenca e tyre në shkallët e stadiumit do të jetë e shkëlqyeshme dhe është një shenjë. Ne kemi arritur një triumf të rëndësishëm këtë sezon dhe duam ta mbyllim me fitore.
Me siguri kur fiton kampionatin është sepse ke bërë diçka të rëndësishme dhe të jashtëzakonshme, diçka më shumë se të gjithë të tjerët. Numrat janë të rëndësishëm dhe na bëjnë të kuptojmë llojin e sezonit që kemi luajtur dhe jetuar për këtë arsye komplimentet duhet t’u jepen të gjitha lojtarëve.
Rritja ishte e rëndësishme nga ana e të gjithë lojtarëve, jo vetëm nga pikëpamja tekniko-taktike por edhe nga pikëpamja e mentalitetit. Duke punuar me ta janë rritur shumë dhe tani ata janë lojtarë që kanë fituar dhe për këtë arsye ata e dinë në cilën rrugë duhet të shkojnë për të vazhduar ciklin e fitoreve.
Udinese nuk do të vijë për të na nderuar, por për të bërë mirë kundër kampionëve të Italisë. Ata janë një ekip shumë i mirë që lejon pak hapësira’’, e mbylli fjalën e tij Conte.
