Tani është çështje ditësh dhe Ronald Koeman duhet të largohet nga pankina e Barcelonës.
Sipas gazetës spanjolle “Sport”, presidenti Joan Laporta ka kërkuar 10-15 ditë për të identifikuar emrin e zëvendësuesit të trajnerit holandez, i cili e mbylli sezonin me një vend të tretë në La Liga, humbi Superkupën e Spanjës (3-2, pas kohës shtesë, kundër Athletic Bilbao), u elimininua në 1/8 finale të Ligës së Kampionëve kundër PSG-së dhe fitoi Kupën e Mbretit falë rezultatit 4-0 kundër Atheltic Bilbao (hakmarrja e Superkupës Spanjolle).
Sipas raporteve të “Sport”, divorci i hershëm midis Barcelonës dhe Ronald Koeman do t’iu kushtonte arkave të klubit blaugrana 13 milionë euro: 7.2 për pagën e vitit të fundit të kontratës dhe 5.8 si penalitet, që azulgrana-t detyrohen të paguajnë në rast të ndërprerjes së parakohshme të marrëdhënies.
Prandaj, Laporta filloi të kërkonte për të gjetur zëvendësimin e hollandezit. Sipas burimeve spanjolle, ëndrra e presidentit do të ishte kthimi i Pep Guardiolës në shtëpi, pasi zërat për një lamtumirë të mundshme nga Manchester City, në rast se fiton Ligën e Kampionëve, bëhen gjithnjë e më këmbëngulës (finalja kundër Chelsea do të zhvillohet të shtunën, 29 maj). Sidoqoftë, rruga për të arritur te Pep do të ishte mjaft e komplikuar, prandaj profilet e tjera do të vlerësohen.
Ndërkohë, menaxherët e klubit katalanas po kërkojnë një mënyrë për të zgjidhur kontratën me Koeman, të lidhur me Barcelonën edhe për një vit tjetër.
