Lazio zyrtarizon trajnerin e ri!
Lazio e ka zgjedhur trajnerin për sezonin e ardhshëm dhe ai do të jetë, Mauricio Sarri.
Klubi kryeqytetas e ka njoftuar arritjen e marrëveshjes me ish-trajnerin e Juventusit dhe Napolit, në një mënyrë të veçantë. Në faqen zyrtare, Lazio ka postuar vetëm një cigare, pasi siç njihet, Sarri është një konsumator i rregullt i duhanit.
Sipas mediave italiane, Sarri do të firmosë kontratë deri në vitin 2023 me Lazion, me palët që kanë arritur marrëveshjen dhe tashmë pritet vetëm firma.
