Ish futbollisti i përfaqësueses së Maqedonisë së Veriut, Artim Shaqiri, ka fjalë të mëdha për futbollistin Arian Ademi.
“Personalisht nuk dua të veçoj individë, por kur më pyesni, sigurisht që përveç Goran Pandevit, Arian Ademi është lojtari kryesor në ekipin tonë. Ne jemi me fat që e kemi atë në ekipin kombëtar.
Për një kohë të gjatë na ka munguar një profil i tillë i një mesfushori dhe ja ku jemi.
Ademi është një luftëtar e me përvojë, lojtar cilësor dhe punëtor.
Ai ka luajtur shumë ndeshje në Champions League dhe Europa League. Ai e di se çfarë duhet bërë në një moment të caktuar.
Sigurisht që ai është `motori` në ekip, ai është lidhja midis mbrojtjes dhe sulmit.
Unë nuk dua të zvogëloj vlerën e Ligës sonë të Parë, por nuk ka gjasa që në një të ardhme të afërt që të" nxjerrim ‘një lojtar të profilit të Ademit’,- tha Shaqiri për media maqedone “Sportmedia”.
