Paulo Fonseka mund ta rinisë nga Premier Liga.
Pas dy viteve me skuadrën e Romës, të përfunduar me vendin e 5-të në sezonin e parë dhe vendin e 7-të në të dytin, tekniku portugez do të fluturojë në Angli me destinacion Londrën.
Ish-trajneri i skuadrës verdhekuqe është një hap larg pankinës së Totenhemit të udhëhequr nga ish-administratori i deleguar i Juventusit, Fabio Paratiçi i cili u largua nga “Zonja e Vjetër” pas 11 vitesh.
Kontaktet kanë qenë të avancuara dhe në mediat italiane thuhet se për teknikun luzitan do të jetë gati një kontratë 3-vjeçare deri më 30 qershor 2024.
