Drejtësia ndonjëherë vonon, por gjithmonë vjen”. Aleksander Ceferin, presidenti i UEFA-s, rikthehet të flasë për Superligën, duke hedhur akuza kundër tri klubeve që ende nuk kanë hequr dorë zyrtarisht nga ky projekt.
UEFA ka pezulluar përkohësisht procedurat kundër Juventusit, Realit të Madridit dhe Barcelonës, por Ceferin ende premton betejë. “
“Ndonjëherë kam ndjesinë se këto tri klube janë si fëmijët që largohen nga shkolla për një kohë, nuk ftohen në festat e ditëlindjes dhe përpiqen të marrim pjesë në mbrëmje me policinë. Unë nuk kam hyrë në specifikat e kompetencave të Komisionit tonë Disiplinor, por pa dyshim që kontributi është për të zgjidhur çështjen me gjykata. Siç e shoh, nuk është një ndalesë përfundimtare. Së pari, ne sqarojmë çështjet ligjore, pastaj lëvizim”.
Nuk mund të flitet më për marrëdhëniet me Andrea Agnelli.
“A do t’i jepja dorën? Kjo është pyetje personale. Unë nuk dua të përgjigjem, por mendoj se ai e di atë”.
Ceferin do të marrë pjesë në ceremoninë hapëse të Kampionatit Europian.
“Jemi të lumtur, kjo ngjarje është një mesazh shprese, është drita në fund të tunelit. Futbolli sjell shpresë tek njerëzit dhe kjo është e rëndësishme për ne, mezi presim të fillojmë”.
Për herë të parë, dhe mbase të fundit, turneu do të jetë shëtitës.
“Nuk jam në favor të kësaj formule dhe nuk mendoj se do ta bëjmë përsëri në këtë mënyrë".
