Dy sezonet e para me Real Madrid nuk kanë qenë aspak pozitive për Eden Hazard.
30-vjeçari, që kushtoi 100 milionë euro, ka vuajtur nga dëmtimet e shpeshta, duke mos treguar aspak formën e mirë që tregoi për shumë vite te Chelsea.
Tifozët janë lodhur dhe kanë shtuar dozën e kritikave për belgun, kulmi ishte veprimi që bëri në Ligën e Kampionëve.
Megjithatë, Hazard thotë se as nuk e ka menduar largimin nga Reali.
“Nuk do të largohem nga Real Madrid. Për asnjë sekondë nuk më ka shkuar në mendje se largimi do të ishte diçka e mirë. Unë nuk mund të iki si një dështim. Do të qëndroj për t’u treguar të gjithëve që jam një lojtar për Real Madrid”, deklaron 30-vjeçari për AS.
Hazard ka bërë 43 paraqitje për dy sezone me Reali, ka shënuar 5 gola.
Ai ka fituar edhe dy trofe, Superkupën e Spanjës dhe La Ligën.
