Austria beson te kualifikimi në fazën e 1/8-ave, pasi ka nevojë për të paktën një pikë ndaj Ukrainës në ndeshjen e fundit të grupit, megjithatë trajneri Franco Foda ka humbur një nga 26 futbollistët e grumbulluar.
Bëhet fjalë për mesfushorin anësor të Interit, Valentino Lazaro, i cili luajti disa minuta në pjesën e dytë ndaj Holandës, por ka pësuar një dëmtim muskulor dhe ka mbyllur para kohe aventurën e tij në Kampionatin Europian.
Lajmin e ka dhënë vetë Federata Austriake e Futbollit,
Federata sqaron se dëmtimi nuk do të lejojë më Lazaron të japë kontributin në Europian, ndaj mesfushori në pronësi të Interit është larguar nga grumbullimi për të nisur rikuperimin.
