Paulinho ka thënë se është i gatshëm t’i bashkohet Barcelonës për herë të dytë, pasi tani është lojtar i lirë.
Mesfushori brazilian është një mundësi tjetër për gjigantin e La Ligës për ta transferuar këtë verë.
Sergio Aguero, Eric Garcia dhe Memphis Depay i janë bashkuar Barcelonës tashmë si lojtarë të lirë, pasi marrëveshjet e tyre me Manchester City dhe Lyon mbaruan këtë muaj.
Paulinho mund të jetë një tjetër përforcim për trajnerin Ronald Koeman që mund të arrihet pa e dhënë asnjë qindarkë.
32-vjeçari i ka prishur marrëdhëniet me klubin kinez Guanzhou Evergrande dhe ka qenë pjesë e Barcelonës për një sezonin në vitin 2017.
Paulinho, i cili i bëri 49 paraqitje për skuadrën e Barçës që e fitoi La Ligën dhe Kupën e Mbretit në sezonin 2017/18, tha për Mundo Deportivo: “Barça është ekip që e njoh mirë”.
“E kam kaluar një vit të paharrueshëm atje, në klub dhe në qytet, duke e fituar ligën dhe Kupën e Mbretit. Sikur ta kisha një rast tjetër, do të kthehesha me kënaqësi. Për mua paraja nuk është problem, e as kohëzgjatje e marrëveshjes, kurrë nuk ka qenë, e aq më pak kur ekipi që të thërret është Barça”, shtoi ai.
