Analisti politik, Nexhmedin Spahiu, rreth termit “Përfaqësuesja e Kosovës” dhe termit “Kombëtarja e Kosovës”, tha se ajo e para paraqet shkelje ligjore në bazë të Kodit Penal të Republikës së Kosovës.
Spahiu tha se ekipi i Kosovës luan në Ligën e Kombeve dhe aty sipas tij mund të luajnë vetëm ato vende që janë të pranuara si kombe.
“Për shembull Vojvodina nuk është e pranuar por është Kombëtarja e Kosovës dhe duhet ta quajmë të tillë. Në Kodin Penal të Kosovës ekziston një nën aty për fyerje mbi baza etnike, kombëtare e fetare dhe dënimi për këto është prej një vit deri në pesë vjet burg”, është shprehur Spahiu.
Tutje, Spahiu ka thënë se në raste kur në media shkruhet “Përfaqësuesja e Kosovës”, duhet që prokurori atij gazetari t’ia jap një vit burg për fyerje mbi baza kombëtare.
“Në rast kur ata që e quajnë Kombëtarja e Kroacisë dhe Përfaqësuesja e Kosovës, prokurori me dashtë shtetin dhe të jetë me shkollë është dashur që atij gazetari t’ia jep një vit burg për fyerje mbi baza kombëtare”, ka thënë Spahiu.
