Sergio Busquets thotë se Spanja duhet t’i bëjë dhuratë Van der Vartit një kofshë të tymosur. Duke folur për mediat, mesfushori ka thënë se Spanja i ka mundësitët të fitojë Europianin.
I SHQETËSUAR- “Jo. Nuk jam shqetësuar për asgjë. Futbolli është i tillë. Ne jemi të hapur për kritikat. Siç e thashë edhe më parë, mungesa e respektit është ajo që më shqetëson dhe më mërzit shumë. Disa njerëz e kaluan limitin, por tani kaloi”.
VAN DER VART– “E falënderojmë shumë për kritikat. Do t’i dërgojmë një kofshë të tymosur. Nuk e di pse e bëri atë deklaratë, por unë i respektoj kundërshtarët”.
TRAJNERËT- “Kam pasur shumë trajnerë të mirë në karrierën time. I pari është gjithmonë special, sepse të jep mundësinë dhe të mëson shumë gjëra. I jam mirënjohës Guardiolës për gjithë jetën”.
KROACIA- “Nuk do të jenë të çmendur në presing. Është një ndeshje e vështirë. Tani të gjitha duelet janë delikate. Ne e njohim kapitenin e Kroacisë, sepse luan në La Liga”.
FRANCA– “Mund të përballemi në çerekfinale me ta. Janë favoritët, por tani nuk ka sfida të lehta. Hungaria e tregoi këtë gjë dhe na e përplasi në fytyrë. Forca jonë është grupi. Jemi 24 lojtarë që mund të luajmë të gjithë”.
MUNDËSITË– “Sigurisht që mund të fitojmë. Çdo kombëtare mund ta fitojë këtë kompeticion. Ne barazuam me Gjermaninë duke qenë më të mirët në fushë. Jemi një skuadër e vështirë për t’u mposhtur”.
TIFOZËT– “Është një sinjal pozitiv, sepse mund të shohim dritën pas shumë kohësh. Shpresoj që tifozët të mbushin stadiumet dhe të argëtohen”.
