Vetëm një muaj më parë, modelja italiane Zoe Cristofoli (26 vjeçe) befasoi kur dha lajmin për lidhjen me futbollistin e Milanit, Theo Hernández (23 vjeç). Duke folur për “Corriere dello Sport”, gruaja e re i dha fund spirales së thashethemeve që e ndiqnin çiftin pas disa javësh pasigurie, në të cilat kishte komente në lidhje me prishjen e tyre ose marrëdhëniet e reja.
“Ka mbaruar me Theo. Unë jam beqare! Kam shumë miq në botën e futbollit…, por për momentin nuk jam e fejuar. Unë kam zgjedhur t’i mbaj private disa gjëra, veçanërisht për shkak të kohërave të këqija që kam kaluar. Thjesht dua të jem e lumtur dhe të ndihem mirë, sepse të gjithë meritojmë të jemi të lumtur. Respekt, dashuri, vlera: për mua është kuptimi i jetës! Gjithmonë përpara”, – shpjegoi influecierja.
Epo, duket se gjithçka ka qenë një përplasje e thjeshtë në marrëdhënie, sepse ish-lojtari i Real Madridit dhe italiania e egër janë përsëri bashkë, pas një periudhe reflektimi. Kjo konfirmohet nga profilet sociale të të dyve, të cilat përsëri janë të mbushura me foto të tyre, teksa ndajnë bashkë pushimet verore.
Në atë kohë, modelja nuk donte të thellohej në arsyet e ndarjes së tyre. Një distancë që ishte befasuese, pasi, pavarësisht nga fakti se ishin bashkë për rreth një vit, çifti kishte ndërmarrë hapa të rëndësishëm, duke vazhduar me prezantimet përkatëse familjare.
Përveç kësaj, sipas informacionit më të fundit përreth futbollistit, nuk duket se çifti do të duhet të lëvizë nga Italia, pasi Theo Hernández ka deklaruar në disa raste dëshirën e tij për të qëndruar me kuqezinjtë, pavarësisht sirenave që kanë ardhur nga klube të tjera si PSG apo Juventusi, një nga rivalët historikë të Milanit.
Në çdo rast, sipas asaj që mund të shihet, Theo Hernandez nuk shqetësohet për atë që e ardhmja mund t’i sjellë në sport. Për momentin është i përqendruar në forcimin e marrëdhënies me bukuroshen italiane dhe zbutjen e skajeve të mundshme që mund ta prishin lidhjen gjatë rrugës.
