Pal Dreshaj, president i klubit të futbollit Deçiqi nga Tuzi, skuadër finaliste e Kupës së Malit të Zi, po ashtu përfundoi në vend të tretë në kampionat dhe do të luajnë në rrethin e parë eliminator të garave evropiane (Conference League), uron 26 vjetorin e gazetës kombëtare “Bota sot”.
Dreshaj së bashku me stafin e tij, kanë bërë skuadrën shqiptare shumë të fuqishme dhe shumë të respektuar jo vetëm në Mal të Zi.
“Së pari ndaj kënaqësinë me ju dhe lexuesit e ‘Bota sot’ dhe njëkohësisht uroj 26 vjetorin.
Puna juaj profesionale në promovimin e sportit dhe vlerave në sport është e jashtëzakonshme.
Edhe në kohë më të vështira për kombin ju keni afirmuar sportin dhe përmes sportit edhe vendin e vet.
Vlerën e ‘Bota sot’ i shton edhe fakti se jeni pishtarë i promovimit të të gjithë aktereve të interesit që kanë të bëjnë me sport si dhe me ngjarjet sportive në rrafshin mbarëkombëtarë.
Jemi mirënjohës që vazhdimisht përcillni punën dhe rezultatet e KF DEÇIQI, andaj, në emrin tim personal, në emër të stafit dhe krejt tifozëve të KF Deçiqi nga Tuzi ju uroj 26 vjetorin”, uron Dreshaj.
