Trajneri i Portugalisë: Ndeshja me Belgjikën është një finale

Futboll

Trajneri i Portugalisë: Ndeshja me Belgjikën është një finale

Më: 27 qershor 2021 Në ora: 13:52
Trajneri i Portugalisë: Ndeshja me Belgjikën është një finale

Kombëtarja e Belgjikës dhe ajo e Portugalisë do të takohen në kuadër të 1/8-tës në “Euro 2020“, shkruan Insporti.

Trajneri portugez Fernando Santos ka folur në konferencë shtypi para ndeshjes ndaj Belgjikës, i cili tha se belgët kanë shumë cilësi me topin dhe kanë afësi të krijojnë shumë raste, duke potencuar se duhet t’iu përmbahen parimeve të tyre në këtë ‘finale’

“Ne duhet t’i përmbahemi parimeve tona. Nëse bëjmë ndryshime në formacion, kjo do të ndodh për shkak se duam të luajmë në mënyra të ndryshme, kemi pushuar katër ditë, nuk kam vendosur ende për formacionin startues. Unë e dija se duhet të rifreskonim qendrën e mesfushës duke sjellë Joao Moutinhon dhe Renato Sanches”

“Belgjika shënon shum gola ata kanë disa lojtarë që kanë më shumë ndikim në lojë, në përgjithësi jemi ekipe të ngjashme, kjo lojë është një finale, e cila është për tu fituar jo vetëm për tu luajtur. Ne e dimë që do të kemi kundërshtar të fortë, unë besoj, shpresoj dhe jam i bindur që do të bëjmë mirë në këtë ndeshje”, shtoi ai.

“Unë mendoj se Belgjika do të luajë me tre futbollistë në mesfushë, De Bruyne do tëtë jetë më i avancuar. Kur tre futbollist luajnë në mesfushë atëherë Lukaku është pjesa kryesore e ekipit, me Mertens në të djathtë dhe Carrasco në të majtë, por të tre janë shumë të lëvizshëm. Na mbetet ne që të mbrohemi mirë, të jemi po aq të mirë sa ishim kundër Francës dhe Hungarisë, belgët kanë shumë cilësi me topin dhe kanë afësi të krijojnë shumë raste” -tha Santos.

Fituesi i ndeshjes mes Belgjikës dhe Portugalisë në çerekfinale takohet me Italinë.

commentFirst article
Sot mund të lexoni Shfletoni kopertinat