Klubi anglez Man Utd do ta transferojë sulmuesin e Borussia Dortmund Jadon Sancho.
Sipas ‘The Telegraph’, Man Utd do të përfundojë marrëveshjen me Sanchon këtë javë.
Transferimi i Sanchos pritet t’i kushtoj “Djajve të Kuq” rreth 90 milionë euro, ndërsa futbollisti do të ketë page rreth 300 mijë euro në javë.
United janë që një kohë të gjatë në bisedime me 21-vjeçarin dhe siç duket më në fund marrëveshja do të arrihet gjatë kësaj jave.
Anglezi, sezonin e kaluar zhvilloi 38 paraqitje me fanellën e Dortmund në të gjitha garat, duke realizuar 16 gola dhe 20 asistime.
