Kampionati Evropian Euro 2020 do të kompletojë sot të gjitha skuadrat e fazës së çerekfinales, ku dy ndeshjet e fundit të fazës eliminatore janë ajo mes Anglisë e Gjermanisë, dhe Suedisë e Ukrainës.
Por, përveç Euro 2020, dashamirët e futbollit mund të përcjellin edhe garën e shteteve amerikane, e njohur ndryshe edhe si Kupa e Amerikës.
E për dallim nga ky Kampionat Evropian, në Kupën e Amerikës 2021 veçse janë konfirmuar skuadrat të cilat do të përballen në çerekfinale.
Kombëtaret si ajo e Argjentinës, Brazilit, Paraguait, Uruguait, Perusë, Kilit, Kolumbisë dhe Ekuadorit kanë siguruar biletat drejt 1/8-ës së finales së kësaj gare.
E ndër përballjet më interesante të fazës së çerekfinales së Kupës së Amerikës do të jetë ajo mes Brazilit e Kilit.
Çiftet e çerekfinales së Kupës së Amerikës i gjeni më poshtë.
2 korrik, 23:00 Peru – Paraguai (Stadiumi Olimpico Pedro Ludovico)
3 korrik, 02:00 Brazil – Kili (Stadiumi Olimpico Nilton Santos)
4 korrik, 00:00 Urugai – Kolumbia (Stadiumi Nacional de Brasília)
4 korrik, 03:00 Argjentina – Ekuadori (Stadiumi Olimpico Pedro Ludovico)
