Lionel Messi është lojtari i lirë pa klub edhe zyrtarisht, pasi marrëveshja e tij me Barcelonën skadoi në mesnatën e 30 qershorit.
Menaxheri dhe babai i Messit, Jorge, dhe drejtuesit e Barçës janë në bisedime tash e një kohë të gjatë për gjetjen e një marrëveshjeje të re. Por sipas mediave në Spanjë, gjetja e një marrëveshje të re është paksa e vështirë, për shkak të natyrës së kërkesave të Messit dhe gjendjen së pasigurt financiare të klubit.
Messi sot nuk konsiderohet lojtar i Barcelonës, është i lirë.
Megjithatë, Barça nuk e ka fshirë atë nga faqja zyrtare ku janë të rreshtuar të gjithë futbollistët, edhe pse sipas mediave në Spanjë, duhet të largojnë të gjithë fotot e Messit, po ashtu edhe fanellën nga dyqani zyrtar pasi tashmë është futbollist i lirë deri në arritjen e një marrëveshje, nëse arrihet.
Te Barça ka shpresa se Leo në fund do të pranojë dhe do të qëndrojë.
