Edhe pse është shumë e qartë se Ezgjan Alioski mund të përfundojë në Turqi (Trabzonspor, Fenerbahce dhe Galatasaray, klube që janë të interesuar për shërbimet e tij), në fund ai mund të zgjedhë një destinacion tjetër, shkruan media maqedone “sportmedia”.
“Sipas informacionit të fundit, ekipi nga Belgjika, KRC Genk është gjithashtu në lojë.
Sidoqoftë, belgëve u duket se do të jetë e vështirë për ta që të marrin nënshkrimin e futbollistit, kështu që disi ata hyjnë "me ndrojtje" në garë", shkruan më tej.
KRC Genk vështirë se mund të ofrojë atë që do të ofrojnë tre gjigandët turq. Shqiptari me fanellën e Maqedonisë së Veriut, ka shënuar një gol në Euro 2020.
