Kukësi është shumë pranë arritjes së marrëveshjes me Donald Rapon.
Burime të besueshme të “Panorama Sport” pranë klubit pohojnë se midis palëve ka pasur bisedime intensive gjatë këtyre ditëve dhe kanë rënë parimisht dakord që të vijojnë bashkëpunimin.
Rapo e njeh mirë kampionatin shqiptar, pasi ka luajtur në disa ekipe, ku më së shumti ka dhënë kontribut për skuadrën e Luftëtarit, aty ku militoi për pesë sezone dhe më pas u afrua në radhët e ekipit të Laçit në Superiore.
Në merkaton e janarit mbrojtësi shkoi në Kosovë për të luajtur me ekipin e Drenicës, por aventura zgjati vetëm 6 muaj. 30-vjeçari shihet si një lojtar që do të sjellë eksperiencë në ekipin verilindor, ndërkohë që kanë mbetur vetëm detajet e fundit për të mbyllur gjithçka.
Rapo është një lojtar që më së shumti luan në mbrojtje, por në varësi të nevojave që ka skuadra përshtatet mjaft mirë edhe në mesin e fushës.
