Skuadra e Borussia Dortmund është interesuar për mesfushorin me tipare sulmuese të ekipit Leipzig, Marcel Sabitzer.
Lajmin e konfirmoi sot e përditshmja gjermane “SportBild”.
Lojtari ka një kontratë me Leipzig deri në verën e vitit 2022 dhe nuk dëshiron ta rinovojë atë. Ndaj ai mund të largohet këtë verë për të evituar që pas një viti të ikë me koston zero.
Kostoja e lojtarit 27-vjeçar është rreth 40 milionë euro, por duke parë situatën shuma mund të ulet ndjeshëm, në rreth 20-25 milionë euro.
Sezonin e fundit, Sabitzer realizoi 16 gola në 39 ndeshje me Leipzig, në të gjitha kompeticionet, duke qenë ndër më të mirët.
