Drita nga Gjilani ka shënuar fitore në ndeshjen e parë të rrethit të parë të eliminatorëve në Conference League.
Drita triumfon me rezultat 2:1 ndaj skuadrës shqiptare nga Mali i Zi, Deçiqi, në ballafaqimin që u zhvillua pa praninë e shikuesve në stadiumin “Fadil Vokrri” në Prishtinë.
Skuadra nga Tuzi edhe pse humbi, ka treguar lojë të mirë në përballje me nënkampionin e Kosovës.
Duhet theksuar se finalisti i Kupës së Malit të Zi, nga minuta e 80-të, mbetet me një futbollist me pak kur Jonathan Dreshaj u përjashtua me karton të kuq.
Deçiqi avancon me rezultat 0:1 me golin e Ilir Camajt në minutën e 3-të. Topi qëllon shtyllën e djathtë pingule dhe u kthye deri të Camaj i cili nga afërsia e përplasi më rrjetë.
Në minutën e 11-të, Drita barazon rezultatin, duke iu falënderuar Almir Ajzeraj i cili përfitoi nga topi i kthyer prej portierit kundërshtar pas gjuajtjes së sulmuesit Simonovski.
Në minutën e 78-të, Muja asiston dhe Marko Simonovski shënon për fitoren e Dritës, duke krijuar një përparësi për ndeshjen e kthimit që luhet pas një jave në Podgoricë.
Në përgjithësi të dy skuadrat treguan lojë të mirë. Deçiqi beson e shpreson se do t’i revanshohet për humbje Dritës në Podgoricë.
Drita – Deçiqi 2:1
Stadiumi "Fadil Vokrri" në Prishtinë.
Gjyqtar: V.Ferreira (Portugalia).
Shënues: Ajzeraj (11'), Simonovski (78’) - Camaj (3').
Kartona të verdhë: Blakçori, Vucaj, Simonovski, Cuculi, Jashari – Camaj, Popoviq, Lulgjuraj.
Karton i kuq: Dreshaj.
Drita: Maloku, Limani, Jamal, Cuculi, Blakçori, Vucaj, Jashari, Muja, Simonovski, Ajzeraj (Irogue 77’) dhe Fazliu (Islami 61’).
Deçiqi: Popoviq, Dreshaj, Nikoliq, Tuci, Lulgjuraj, Bazanoviq, Rudoviq, Peshukiç (Janketiq 59’), Vulaj, Kojasheviq (Novoviq 64’) dhe Camaj.
