Trajneri i Brazilit, Tite ka mohuar që skuadra e tij është favorit përpara finales së së shtunës në mbrëmje të Kupës së Amerikës kundër Argjentinës, por beson se ai di të mbajë nën kontroll Lionel Messin.
Brazili ka bërë përshtypje deri më tani gjatë rrugës për në finale dhe shumë i kanë renditur ata si favoritët e para-finales kundër rivalëve të tyre, shkruan Marca.
“Unë e di se si ta ndaloj Messin, por nuk do ta zbuloj”, tha Tite.
“Nëse Argjentina na tregon se si po planifikojnë ta ndalojnë Neymar,in atëherë ne do t’i hapim gjërat dhe do t’u tregojmë atyre planin tonë për Messin”.
President i Brazilit, Jair Bolsonaro jepi një parashikm sa i përket ndeshjes, një fitore prej 5-0 për brazilianët, por trajneri mendon ndryshe, ai nuk beson se skuadra e tij është favoritë.
“Nuk mund ta parashikoj dhe të them se Brazili është më meritor, unë nuk mund ta bëj atë pretendim”, tha Tite.
“Por 90 minutat e luajtura në finale do të na tregojnë kush e meriton më shumë”, përfundoi Tite.
Me Neymar dhe Messi të ballafaquar përsëri, Tite pret që të dy yjet dhe të dy skuadrat të bëjnë paraqitje të shkëlqyer.
