Të enjten nisi zyrtarisht sezoni edhe për Milanin. Pas konferencës për shtyp të Stefano Piolit, skuadra nisi grumbullimin veror me stërvitjen e parë.
Në qendrën stërvitore të kuqezinjve u pa sërish edhe Zlatan Ibrahimoviç, i angazhuar me riaftësimin nga operacioni në gju. Edhe ditën e djeshme sulmuesi suedez kreu një përgatitje të personalizuar në palestër, por po pret me padurim rikthimin në fushë.
Përmes rrjeteve sociale, ndërkohë, Ibra ka azhurnuar kushtet e tij fizike pas ndërhyrjes në gju të 18 qershorit. Në profilin e tij në “Instagram” janë shfaqur dy foto: e para ballore dhe e dyta me shpinë, gjithmonë me topin në duar, me diçiturat:
“Më ke munguar dashuri”, “Por, fillimisht kam nevojë të punoj”.
