Nënkampioni i Kosovës, Drita nga Gjilani, kualifikohet në rrethin e dytë të Conference League në futboll.
Skuadra nga Gjilani sonte ka shënuar fitore me rezultat 1:0 ndaj skuadrës shqiptare Deçiqi nga Tuzi, në takimin e kthimit që u zhvillua në stadiumin në Podgoricë.
Drita është kualifikuar më tej, duke iu falënderuar edhe fitores në ndeshjen e parë, me 2:1 ndaj Deçiqit në stadiumin “Fadil Vokrri” në Prishtinë.
Deçiqi u angazhua maksimalisht por nuk ia doli që të befasojnë Dritën shumë të mirë.
Në minutën e 84-të, Ardian Cuculi shënoi me kokë pas asistimit të Astrit Fazliut.
Drita tani ka përball skuadrën e famshme holandeze, Feyenoord, e cila do të zbarkojë në kryeqytetin e Kosovës.
Ndeshja e parë do të luhet më 22 korrik në ‘’Fadil Vokrri’’.
Deçiqi – Drita 0:1
Stadiumi në Podgoricë.
Gjyqtar: L. Fahndrich (Zvicra).
Shënues: Cuculi (84’).
Kartona të verdhë: Lulgjuraj, Markoviq, Zhivkoviq, Rudoviq - Vucaj, Fazliu, Muja.
Deçiq: Popoviq; Zhivkoviq, Tuçi, Rudoviq, Lulgjuraj; Nikoliq (Janketiq 85’), Rudoviq (Gjolaj 88’), Peshukiq (Markoviq 68’), Vulaj, Kojasheviq dhe Camaj.
Drita: Maloku; Limani, Jamal, Cuculi, Blakçori; Jashari (Krasniqi 88’), Vucaj, Muja, Fazliu (Islami 85’), Ajzeraj (Haxhimusa 61’) dhe Simonovski.
