Argjentina kampione. Suksesi i fundit i Albiceleste, para triumfit të “Maracana”, datonte më 1993, kur Paredes nuk kishte lindur ende. Mesfushori kishte shumë arsye për të gëzuar: suksesi i parë me fanellën argjentinase. Goli vendimtar i shënuar nga shoku i tij, Di Maria, dhe mbi të gjitha gëzimi i Leo Messit. Lojtari i PSG-së i tha këto në “TYC Sports”, shkruan telesporti.
“Ishte një triumf historik. Një ëndërr u bë realitet. Grupi ishte gjithmonë i bashkuar, por gjithashtu i vetëdijshëm se sa e rëndësishme ishte fitorja në “Copa America” për të gjithë vendin tonë. Kam marrë pjesë në shumicën e ndeshjeve dhe i jam shumë mirënjohës trajnerit Scaloni. Jam krenar që kam kontribuar në këtë sukses, por edhe kur nuk kam luajtur, zgjedhja ishte e drejtë. Trajneri ynë bëri rotacione dhe të gjithë u përgjigjën në mënyrën më të mirë të mundshme. Sekreti i kësaj skuadre është që të 28-të lojtarët ishin në gjendje të luanin për ekipin kombëtar”.
Të gjithë gëzuan njësoj, përveç njërit. Imazhet e leo Messit që shpërtheu në lot në bilbilin e fundit të gjyqtarit bënë xhiron e botës. Paredes shpjegon: “Dashuria jonë përfaqësonte atë që 45 milionë argjentinas që dëshironin donin të shihnin:
Leo të ngrinte një titull në qiell me ekipin kombëtar. Do të bënim të pabesueshmen për ta ndihmuar që të ndodhte kjo dhe të isha atje për ta shijuar suksesin me të. Messin nuk e kam parë kurrë kaq të lumtur. Ai me të vërtetë kënaqej kur ishte me ne. Këto 45 ditë ishin si një udhëtim në shkollë, pas diplomimit. Ne u argëtuam, fituam. Një përvojë e pabesueshme”.
Në fund të finales, Paredes u bashkua me Neymar së bashku me Messin: “Ne tashmë kishim rënë dakord me Neymar për të shkëmbyer bluzat në fund të lojës. Kur shkova të marr telefonin nga dhoma e zhveshjes për të biseduar me familjen time pashë se kishte një mesazh nga ai. Ai po më priste jashtë dhe pastaj u ktheva atje, i gjeta së bashku me Messin. Nuk flitej për finalen. Ne i thamë njëri-tjetrit se çfarë do të bënim me pushimet dhe si i kaluam ditët e fundit. Sidoqoftë, më bëri përshtypje përulësia e këtyre dy kampionëve, të cilët, pas një finaleje të “Copa America”, kanë qetësinë të ulen dhe të flasin për diçka tjetër”.
