Deklaratat e presidentit të Real Madrid, Florentino Perez, vazhdojnë të publikohen në internet nga El Confidencial.
Pas atyre për Casillas, Raul, Cristiano Ronaldo, Jose Mourinho, dhe ish-trajnerin Vicente del Bosque, këtë herë është publikuar një dokument në të cilin Perez tallet me ish-mesfushorin Mesut Ozil, i transferuar në Madrid në moshën 21 vjeç.
Regjistrimi është i vitit 2012.
Kur gjermani me origjinë turke është transferuar në Madrid, është lidhur me një modele milaneze. Mourinho i ka thënë se jo vetëm të gjithë lojtarët e Inter dhe Milan kanë shkuar në krevat me vajzën, pore dhe stafi teknik i të dy skuadrave.
“Erdhi këtu me një vajzë 21-vjeçare, – thotë Florentino, – është një nga ata turqit e brezit të tretë… dhe zbulon Madridin. Harron të dashurën dhe ndryshon jetë. Dashurohet me një modele italiane, nga Milano. Merrte avionin privat, shkonte atje, bënte seks dhe kthehej”.
“Një ditë Mourinho e ka marrë në telefon. ‘Ej, Ozil, mund të flas hapur me ty si të isha babai yt?’. Ozil ka thënë: ‘Po, po, sigurisht. Shiko, ajo vajzë me të cilën del ka qenë me të gjithë lojtarët e Inter dhe Milan, edhe me stafin teknik të dy skuadrave’. Në fund, Ozil e la”.
