Fituesi i Kupës së Kosovës, Llapi nga Podujeva, falënderon tifozët. Skuadra llapjane me gjithë lojën e mirë nuk ia doli që të kualifikohet në rrethin e dytë të Conference League në futboll.
Drejtuesit e kësaj skuadre falënderojnë tifozët.
“Të parët që krijuan tifozerinë "Ultras Legjendat" 10 vite më parë, tre djemtë e qytetit, përkrahësit e mëdhenj të klubit tashmë e një dekadë, Bajram Bejtullahu, Labinot Potera dhe Liridon Abdullahu kanë dhënë dorëheqje nga kryesia e "Ultras Legjendat" duke liruar vend për djem të rinj, me ideja e organizime të mirëfillta, por asnjëherë nuk do largohen nga HISTORIA e KF LLAPI të cilën e shkruajtëm së bashku për një dekadë.
Ne besojmë se personat si ju nuk largohen asnjëherë nga prezenca pranë skuadrës së zemrës, megjithatë ky vendim i tyre është në të mirë të djemve të rinj nga të cilët presim t'i kenë shembuj Bajramin, Labin e Liridonin të cilët nuk iu ndajtën asnjëherë krenarisë së qytetit KF LLAPI.
Faleminderit për kontributin e dhënë deri më tani djema.
Së shpejti pritet të zgjedhet kryesia e re e "Ultras Legjendat" gjithnjë në koordinim me anëtarët e grupit dhe nëngrupeve tjera të tifogrupit”, njofton KF Llapi.
