Klubi i futbollit Ferizaj po organizohet në çdo aspekt që të jetë gati për edicionin e ri në Ligën e Parë të Kosovës. Klubi është pajisur edhe me Defibrillator, që është domethënëse.
Presidenti i klubit, Lulzim Abazi, po orvatet që të kompletojë klubin në të gjitha pikëpamjet, që mos t’i mungojë asgjë futbollistëve.
“Klubi ynë pajiset me Defibrillator.
Me kërkesen e doktorit të klubit, Dr.Hajdin Lata klubi ynë është paisur me Defibrillator.
Defibrillator është një pajisje portabel, që e kontrollon ritmin e çrregulluar të zemrës. Kjo pajisje do të shërbejë për sulmet e mundshme të futbollistëve në zemër, kjo pajisje kishte shpëtuar jetën edhe të futbollistit të kombëtares së Danimarkës, Christian Eriksen.
Defibrillator i jashtëm automatik (AED)
AED është paisje portabel që e kontrollon ritmin e çrregulluar të zemrës, e cila zbaton goditje elektrike në zemër për të ri-vendosur një ritëm normal. Defibrillator përdoret për trajtimin e arrestit të pa pritur kardiak.
Vdekja e pa pritur e zemrës janë gjendje në të cilën papritmas ndërpritet puna e zemrës dhe kjo ndodhë kur gjaku ndalon rrjedhjen në tru dhe organet tjera vitale.
Përdorimi i AED tek një person, i cili ka pësuar vdekje të pa pritur të zemrës, mund ta shpëtojë jetën e tij.
Klubi ynë çdo ditë e më shumë eshte duke u organizuar me kujdes në të gjitha aspektet, që të jemi një klub me kushte optimale për punë”, njofton KF Ferizaj.
