Tjetër huazim për Justin Kluivert. Sulmuesi holandez ka kontratë deri në verën e vitit 2023 me Romën.
Sezonin e kaluar u huazua te Leipzig në kampionatin gjerman, teksa ka nisur një tjetër aventurë.
22-vjeçari nuk bën pjesë në planet e Jose Mourinhos dhe sezonin e ardhshëm do të luajë në Ligue 1. Roma ka arritur akordin me Nice në lidhje me huazimin e sulmuesit të djathtë.
Klubi francez ka prezantuar Kluivert dhe ka të drejtën e blerjes së kartonit të tij në verën e ardhshme për shumën e 15 milion eurove.
