Reshat Ibraimi, gazetar sportiv me përvojë, në gjeneratën e sakrificës kontriboi për sportin e Kosovës, iu ka bërë zemra mal që tri skuadra shqiptare janë në rrethin e tretë kualifikues të Conference League në futboll.
“Dritë e madhe në “De Kuip”!, urime kualifikimin historik Prishtinës, Teutës dhe Laçit!
Drita e Gjilanit bëri paraqitje fantastike. Me pak fat mund të vazhdonte ëndrra në Ligën e Konferencës. Humbja 3:2 nga Feyenoordi në stadiumin De Kuip në Roterdam, para 25 mijë shikuesve, është një përvojë e madhe për të ardhmen.
Ju lumtë djemve të Dritës dhe trajnerit të saj Ardian Nuhii për emocionet që na dhuruan.
Ndërsa, përgëzojë Prishtinën e trajnerit Zekirja Ramadani, Laçin e Shpëtim Duros dhe Teutën e Edi Martinit për kualifikimin historik në raundin e tretë të LK.
Shkëndijës, Shkupit, Partizanit dhe Vllaznisë sukseve në vitin e ardhshëm”, ka shkruar Ibraimi në profilin e tij në facebook.
