Pochettino i mahnitur nga blerja e re: Ka cilësi të mëdha!
Gjatë konferencës për shtyp të dhënë në prag të Superkupës së Francës që PSG do të luajë të dielën kundër Lille, trajneri Mauricio Pochettino i ka thurur elozhe Achraf Hakimi-t:
“Është një lojtar që ofron disa opsione, veçanërisht në fazën e sulmit. Ka shumë cilësi në nivel fizik, ka shënuar shumë gola në karrierë, edhe në sezonin e fundit me Inter-in”, ka thënë argjentinasi.
“Po përshtatet shumë mirë. Fatkeqësisht, ashtu si shumë këtu te PSG, ka patur Covid, por po e merr veten dhe po integrohet shumë mirë”.
