Dje u dha lajmi më “shokues” në botën e futbollit për shekullin 21, kur Barcelona komunikoi zyrtarisht se Lionel Messi nuk do të jetë pjesë e skuadrës.
Për shkak të rregullave financiare nga La Liga, palët nuk kanë mundur ta vazhdojnë bashkëpunimin më tutje.
Gazetari i mirënjohur italian, Fabrizio Romano ka dhënë tani detaje për të ardhmen e sulmuesit argjentinas.
Romano në rrjetet sociale ka bërë me dije se tashmë Paris Saint-Germain i ka nisur përpjekjet për transferimin e Messit.
Bëhet e ditur se Messi kishte refuzuar PSG-n dhe Manchester Cityn muajin e kaluar pasi kishte vendosur për qëndrimin te Barcelona.
