Lamina Diak, duket se është determinuar që të vazhdojë karrierën jashtë Maqedonisë dhe lajmet e fundit thonë se ai do të jetë pjesë e skuadrës së Tuzlasporit në Ligën e Dytë të Turqisë.
Mediat turke sjellin foto e stërvitjes së Lamine Diakut me skuadrën turke, mirëpo nuk shkruajnë se a është arritur marrëveshja mes Tuzlasporit dhe FC Shkupit, që posedon kartonin e senegalezit 21 vjeçar.
Diak ishte lidhur me skuadrat e njohura turke si Beshiktash dhe Fenerbahçe, por edhe disa skuadra të Ligës së Parë dhe të Dytë në Belgjikë, mirëpo në fund duket se oferta e Tuzlasporit ka qenë më konkrete.
Vlera e futbollistit nga Senegali, sipas “transfermarkt”-it është 400 mijë euro, ndërsa në kohë e qëndrimit te skuadra nga Çairi, regjistroi 52 ndeshje, duke shënuar 5 gola dhe 6 asiste.
