Ballkani është rikthyer përsëri në stërvitje pas pushimit.
Skuadra nga Suhareka e kreu fazën përgatitore në Kayseri të Turqisë, por tani janë rikthyer në Kosovë.
Të besuarit e trajnerit Bekim Isufi kanë dalë në stërvitjen e radhës ditën e premte, derisa sot në mesditë do të zhvillojnë ndeshje miqësore.
Ballkani do të përballet me KEK-un gjatë ditës së sotme.
Njoftimi i plotë nga klubi:
Të dashur tifozë
Skuadra ka vijuar me përgatitjet për sezonin e ri në Suharekë. Ditën e djeshme, ekipi ka kryer stërvitjen e parë, teksa një stërvitje ka kryer edhe paraditen e sotme. Skuadra po bën përgatitje intensive për fillimin e kampionatit.
Pasditen e sotme është një ndeshje miqësore, ku skuadra jonë do të provojë forcën kundër KF KEK-ut.
Na priftë e mbara Suharekë.
